"... இந்த நிலையில் மக்களிசை மேதை எம்.பி.சீனிவாசன் குறித்த வரலாற்றை அரிதின் முயன்று தேடித்தொகுத்து ஆவணப்படுத்தி உள்ள மு. இக்பால் அகமதுவின் முயற்சி பாராட்டுக்குரியது. எம்.பி. சீனிவாசனின் பூர்விக வரலாற்றில் இருந்து தொடங்கும் இந்நூல் மொத்தம் 33 தலைப்புக்களில் அவரது இசை சார்ந்த வரலாற்றைத் தரவுகளின் அடிப்படையில் விவரித்துள்ளது. அவரது வரலாற்றின் ஊடாகப் பல வரலாற்றுக் குறிப்புக்களை, விவரிப்புக்களை இந்நூலில் தரிசிக்க முடிகிறது. அவர் குறித்த நம்பத்தகுந்த ஆவணமாக விளங்கும் இந்த நூல் தரவுகளின் அடிப்படையில் ஆழமாக, அகலமாக, தெளிந்த நீரோடை போல் அமைந்துள்ளது. நூலாசிரியரின் உழைப்பும் முயற்சியும் பாராட்டத் தக்கவை. அவசியம் வாசிக்க வேண்டிய நூல்.
கருத்துகள் இல்லை:
கருத்துரையிடுக